LEERDERLEIERPROJEKTE 2023/2024-TERMYN
Hierdie Leerderleiertermyn het reeds einde 2023 afgeskop, in die vierdie kwartaal.

Ons het besluit  dat ons hierdie jaar wil fokus op die onderwysers se welstand en het elke maand, op die eerste dag van die maand, die onnies bederf met ‘n bybelversie en iets om aan te knibbel,

Ons het afgeskop met ‘n HERWINNINGSPROJEK, waar ons elke maand verskillende herwinbare produkte ingesamel het en dit gekoppel het aan ‘n “DOPPIES VIR WIELE-PROJEK”, waar ons plastiekdoppies ingesamel het en kon geld bydra om vir ‘n behoeftige pasiënt ‘n rolstoel te koop.

In kwartaal twee, het ons ‘n “VALENTYNSSOKKIE” aangebied, waar leerders in rooi, pienk en wit getooi, die dans kon bywoon. Hulle het omtrent gedans

Ons paaseierprojek was ook ‘n groot sukses en ons het hierdie jaar PETROLJOGGIES BEDERF met paaseiers. Verskeie petroljoggies, in ons nabye omgewing is verras met ‘n paaseier of twee.

‘n KRUIEPLANTPROJEK is ook geloods, waar ons saadjies en kruie-steggies ingesamel het, om vir die  Verbruikerstudie-klasse te skenk. Deur kruie te kweek, wat hulle dan in hul gebak kon gebruik, kon hul dus geld spaar en deur nie die produkte aan te koop nie.

Ons MATRIEKAAND, was ‘n rasende sukses, waar ons leerders vermaak het, met verskeie speletjies, soos “ Wie is jou pasmaat?”en “Wie wil ‘n miljoenêr word?”.

Ons het besluit om ‘n SPELETJIESAAND soos van ouds te hou, waar leerders speletjies kon speel, soos “ Toets jou geheue.”, “Gooi die koppies om met ‘n bal.” en “Gooi die bal in die koppie.”

Ons het tesame met Curro Durbanville ‘n FONDSINSAMELING VIR DIE TWEE OSEANE AKWARIUM gehou, waar hul seeskilpaaie, wat se habitat verwoes is, rehabiliteer. Verskeie produkte en geld is ingesamel om van hierdie projek ‘n sukses te maak.

Oudergewoonte het ons weer ‘n “ HONDE EN KATKOSPROJEK” geloods, waar leerders geld en kos kon insamel vir die Grace Animal Sanctuary en Capetonians Against Animal Abuse. Hierdie troeteldiere se kos is verdeel en afgelaai by die verskeie organisasies en leerders kon ook met die diere speel.

Ons sluit die termyn af, met die jaarlikse Interskole “ MINI BRAG”, “INTERSKOLE GEESWEEK”, asook die “Big Brag” en versiering van die pawiljoene en lamppale om die skool.

Ek is besonder beïndruk met hierdie jaar se leiers. Hulle het hul uitstekend van hul taak gekwyt en hard gewerk om ons doelwitte te bereik. Ek sien uit na die 2024/2025 termyn en glo dit sal ook, soos hierdie jaar ‘n sukses wees.

Lehani Nell